«Отбасы-бақыт мекені»

Наурыз – жаңару мен жаңғыруды бейнелейтін көктем мерекесі. Биылғы жылы мектебімізде әкелер кеңесі мүшелерінің қатысуымен Наурыз мейрамына арналған сынып сағатын өткізу туралы шешім қабылданды. Іс-шара оқушылар мен ата-аналар үшін мерекенің дәстүрлері мен мәдениетіне терең бойлау, сонымен қатар мектеп пен отбасы арасындағы байланысты нығайтуға тамаша мүмкіндік болды.    4-сыныпта өткен іс-шара Наурыз мейрамының мән-мағынасына тоқталған мұғалімнің құттықтау сөзімен басталды. Одан кейін әкелер кеңесінің мүшелері сөз сөйлеп, Наурыз мерекесін балалық шағында тойлау туралы естеліктерімен бөлісіп, салт-дәстүрді сақтаудың қаншалықты маңызды екенін түсіндірді.   Оқушылар командаларға бөлініп, мерекеге қатысты сұрақтарға жауап берді. Бұл командалық рух пен белсенді қатысуды ынталандырды.       Шара барысында «Көкпар», «Асық» сынды дәстүрлі ойындар ойналып, балалардың ойын мәдениетімен танысуына мүмкіндік берді.   Наурыз мейрамына арналған сынып сағаты сәтті өтті және барлық қатысушыларға жарқын әсер қалдырды. Әкелер кеңесінің мүшелерімен араласу іс-шараны жаңа идеялармен және тәсілдермен байытты.