Дөңгелек үстел: «Отбасындағы жанжалды реттеу өнері».

2024 жылғы 22 мамырда Балкашино ауылының №2 жалпы білім беретін мектебінде «Даналық мектеп» бағдарламасы аясында «Отбасындағы жанжалдарды басқару өнері» тақырыбында дөңгелек үстел өтті.    Жанжал — кез келген отбасы өмірінің табиғи бөлігі. Әртүрлі мінезі, өмірлік тәжірибесі мен көзқарасы бар адамдар бір шаңырақ астында өмір сүргенде, келіспеушіліктер мен дау-дамайлардың туындауы заңды құбылыс. Алайда мұндай жанжалдар кейде қарым-қатынасты нашарлатып, отбасында эмоционалдық күйзеліс тудыруы мүмкін.     Іс-шара барысында 7 «А» сынып оқушылары бейресми жағдайда шай ішіп отырып, жанжалды жағдайларды қалай шешуге болатынын талқылады. Мұғалім Карабатырова Бақытжан Көпжасарқызы қатысушыларды жанжал түрлерімен таныстырып, жанжалдың табиғатын және оларды шешу жолдарын тереңірек түсінуге көмектесетін презентация ұсынды.

Талқылау өте нәтижелі болды, қатысушылар өз ойларымен және ұсыныстарымен бөлісіп, отбасындағы үйлесімді қарым-қатынасты сақтау мен келіспеушіліктерді шешудің конструктивті жолдарын табудың маңыздылығын түсінді.