Спорттық-сауықтыру эстафетасы: «Шекарасыз қауіпсіздік»

29 мамыр күні мектебімізде балалардың әртүрлі жағдайларда қауіпсіз мінез-құлық сақтауына арналған іс-шаралар өтті. Бұл іс-шаралардың мақсаты – балалар мен ата-аналардың үйде, мектепте, көшеде, демалыс кезінде және онлайн кеңістікте қауіпсіздік мәселелері туралы хабардарлығын арттыру болды.    Акция аясында «Шекарасыз қауіпсіздік» атты спорттық-ойын эстафеталары ұйымдастырылды. Қатысушылар қауіпсіздікке байланысты түрлі тапсырмаларды орындай отырып, өз шеберліктері мен командалық рухтарын көрсетті. Іс-шара соңында барлық балалар белсенді қатысқаны және тамаша нәтижелері үшін мақтау қағаздарымен және тәтті сыйлықтармен марапатталды!

Осы маңызды күнді ұйымдастыруға атсалысқан барлық ата-аналар мен мұғалімдерге алғысымызды білдіреміз! Балаларымыздың қауіпсіздігін бірге сақтайық!