Құрметті ата-аналар!

02.07.2025

Назарларыңызды балаларды қоғамдық және жеке көлікте тасымалдау ережелеріне аударамыз. Осы ережелерді сақтау – сапар кезінде балаңыздың қауіпсіздігін қамтамасыз етудің маңызды шарты.

            1.         Балаларға арналған автокреслоны пайдалану:      - 12 жасқа дейінгі балаларға жасына және салмағына сай автокреслоны пайдалану міндетті. Бұл жол-көлік оқиғасы кезінде жарақат алу қаупін едәуір төмендетеді.

            2.         Қауіпсіздік белдігін тағу:   - 12 жастан асқан балаларды қоса алғанда, барлық жолаушылар қауіпсіздік белдігін тағуға міндетті. Балаңызға белдікті дұрыс тағуды үйретіңіз және оның бұл ережені сақтауын қадағалаңыз.

            3.         Қоғамдық көліктегі қауіпсіздік:     -  Маршруттық такси, автобус және троллейбуспен жүргенде балаңызды қолыңыздан ұстап, оның тәртібін бақылаңыз. Оған көлікке дұрыс мініп-түсуді түсіндіріңіз.

            4.         Сапарды алдын ала жоспарлау:    -  Ұзақ жолға шығатын болсаңыз, балаңызбен көлік ішіндегі тәртіп пен қауіпсіздік шараларын алдын ала талқылаңыз.

            5.         Балаңызға үнемі назар аударыңыз:    -  Балаларды аялдамада немесе адамдар көп жиналатын жерлерде қараусыз қалдырмаңыз.

            6.         Үйрету және ақпараттандыру:    -  Балаңызға жол қозғалысы ережелері мен көліктегі тәртіп туралы үнемі еске салып отырыңыз.

Осы қарапайым, бірақ маңызды ережелерді сақтау – балаңыздың денсаулығы мен қауіпсіздігін сақтауға көмектеседі. Өзіңізді және жақындарыңызды қорғаңыз!