Көктемгі каникул кезінде 1–2 сынып оқушылары үшін қызықты әрі танымдық іс-шара — «Бэмби бұғысы» мультфильмін көру ұйымдастырылды.

Бұл мейірімді әрі әсерлі мультфильм балаларды орман тұрғындарының өмірімен таныстырып, табиғатты аялауға, достыққа, өзара көмекке және қоршаған ортаға деген сүйіспеншілікке тәрбиелейді. Оқушылар басты кейіпкердің тағдырын қызығушылықпен бақылап, онымен бірге қуанышты да, мұңды сәттерді бірге сезінді.    Көрсетілім жылы әрі достық атмосферада өтті. Мультфильмнен кейін балалар өз әсерлерімен бөлісіп, кейіпкерлердің іс-әрекеттерін талқылап, мейірімділік, батылдық және бір-біріне қамқор болудың маңыздылығы туралы қорытынды жасады.      Осындай іс-шаралар каникул кезіндегі бос уақытты тиімді өткізуге ғана емес, сонымен қатар бастауыш сынып оқушыларының эмоционалдық интеллектін дамытуға, адамгершілік қасиеттерін қалыптастыруға да ықпал етеді.