Дінмұхамед Қонаев - ғасыр адамы.

1912 жылы 12 қаңтарда Верный қаласында (қазіргі Алматы) Дінмұхамед Ахметұлы Қонаев дүниеге келді-көрнекті қоғам және мемлекет қайраткері, ғалым, Қазақстан Ғылым академиясының академигі (1952), техника ғылымдарының докторы (1969), үш мәрте Социалистік Еңбек ері (1972, 1976, 1982). Мәскеу Түсті металдар және алтын институтын бітірген (1936). 1936-1942 жылдары Алтай, Риддер, Лениногор кеніштерінде басшылық қызметтер атқарды. 1942-1952 жылдары ҚазКСР ХКК, ҚазКСР Министрлер Кеңесі төрағасының орынбасары. 1952 жылы сәуірде Қазақстан Ғылым академиясының президенті болып сайланды. 1955-1960, 1962-1964 жылдары ҚазКСР Министрлер Кеңесінің төрағасы. 1960-1962, 1964-1986 жылдары Қазақстан КП ОК 1-хатшысы. Қонаев жоғары басшылық лауазымдарда өткізген 45 жыл ішінде оның 25-і республиканың 1-ші басшысы болды. Ол Қазақстанның әлеуметтік-экономикалық және мәдени дамуына елеулі үлес қосты. Республиканың тау-кен өндірісі жоғары деңгейге жетті, Қазақстанның жаңа өндірістік өңірлері қалыптасты, жаңа қалалар мен ірі елді мекендер салынды. Өскелең ұрпақ өз елінің тарихын және  Қазақстанның қалыптасуында маңызды рөл атқарған адамдарды білуі тиіс, сондықтан әр сыныпта Д.А. Қонаевтың қызметіне арналған ақпараттық бес минут өтті.