Аудандық жарыстар.

Сандықтау ауылы жалпы білім беретін мектебі базасында 2023 жылдың 18 қазанында Сандықтау ауданының 9-11 сынып оқушылары арасында «Асық ату», «Бес асық» және «Тоғыз құмалақ» бойынша аудандық жарыстар өткізілді. «Тоғыз құмалақ» бойынша Балкашино селосы №2 ЖББ мектебінің оқушылары жүлделі 2 және 3 орынды, «Бес асықтан» (қыздар) 3 орынды иеленді. «Асық ату» ұлдар – 2 орын.

Бұл жарыстың мақсаты мен міндеттері оқушылар арасында ұлттық спорт түрлерін кеңінен насихаттау, шеберліктерін арттыру; интеллектуалдық қабілеттерін дамыту және осы спорт түрлерінен үздік мектеп оқушыларын анықтау. «Тоғыз құмалақ» төрт мың жылдан астам уақыт өткен, логика мен шығармашылықты дамытатын бірегей ұлттық ойын екенін білеміз, сондықтан да қазіргі таңда кең тараған. Ойынға деген қызығушылық – өз халқының тарихы мен мәдениетіне үндеу. Асық ойнаған кезде дененің барлық мүшелері, ең бастысы – көздің бұлшық еттері қатысады, өйткені бес-жеті метр қашықтықтан сүйекті көздеу керек болғандықтан, дәлдік пен қол ептілігі дамиды. Балалар тек физикалық тұрғыдан дамып қана қоймайды, сонымен бірге шыдамдылыққа, санауға, бәсекелестікке, топпен жұмыс істеуге үйренеді. Бұл ойындарда спортшының бойы, салмағы және физикалық сипаттамалары маңызды емес. «Асық атуды» кез келген адам ойнай алады. 2017 жылы «Асық ату» ұлттық ойыны ЮНЕСКО-ның мәдени мұра тізіміне енді.